Težak obračun u Prištini, ima mrtvih i ranjenih!

Policija Kosova uhapsila je pet osoba zbog incidenta u kome je oko 14 časova u selu Šarban kod Prištine, ubijena jedna osoba, a dvije su teško ranjene.
 

Prema navodima prištinskih medija, ubijen je 60-godišnji Šaip Redžepi dok su ranjeni F.R, star 33 godine i Dž.R. star 30 godina.

Policija traga za još jednom osobom za koju sumnja da je učestvovala u incidentu.

Ranjene osobe, među kojima je po navodima medija i sin ubijenog Šaipa Redžepija, prebačene su u Urgentni centar KBC Kosova, dok je tijelo ubijenog prenijeto u Institut sudske medicine.

Iako policija nije navela detalje o mogućim motivima tog teškog zločina, prištinski mediji preneli su da su neriješeni imovinski problemi mogući uzrok ubistva, piše Beta.