Tinejdžer izboden u tuči, četvorica pretučena bejzbol palicama

Pet tinejdžera povrijeđeno je u tuči u Nišu oko ponoći, a jedan od njih je i teže povrijeđen

 
U Hitnoj pomoći u Nišu potvrdili su jutros Beti da je nešto prije ponoći njihova ekipa zbrinula i prevezla na Dječiju hiruršku kliniku pet maloljetnih lica koja su se potukla u Ulici Patrisa Lumumbe. 

Teško povrijeđeni šesnaestogodišnji dječak uboden je nožem u grudi, dok ostali dječaci koji su učestvovali u tuči imaju brojne povrede po čitavom tijelu zadobijene udarcima bejzbol palice i oštrim predmetima.

Prema nezvaničnim informacijama, dva tinejdžera su zakazala tuču ali su na dogovoreno mjesto poveli i svoje drugove.