Trump: FBI politizuje istragu o ruskom miješanju u izbore

Predsjednik SAD Donald Tramp optužio je Federalni istražni biro (FBI) i Ministarstvo pravde SAD da politizuju istragu o mogućem miješanju Rusije u američke predsjedničke izbore 2016. godine, rekavši da su pristrasni, javlja Rojters.

"Rukovodstvo i istražitelji FBI i Ministarstva pravde politizuju sveti istraživački proces u korist demokrata, a protiv republikanaca - što je do nedavno bilo nezamislivo", poručio je Tramp na Twitteru.

Zvaničnici Bijele kuće saopštili su da će Tramp dozvoliti objavljivanje povjerljivog memoranduma, koji su pripremili republikanci, a u kojem optužuju FBI da su koristili napadne tehnike prismotre u istrazi o mogućem ruskom miješanju u izbore.

U memorandumu se navodno opisuje da je bilo propusta sa strane FBI u prvim etapama istrage o navodnim vezama između Trampa i Rusije tokom predsjedničkih izbora, prenosi Tanjug.