Kuća strave: U maloj sobi bračni par držao godinama ženu sa invaliditetom kao seksualnu robinju (FOTO)

Kit (61) i Karolin (56) Bejker iz Sjeverne Irske osam godina su držali zarobljenu i seksualno zlostavljali ženu sa invaliditetom.

Bračni par je ženu držao u maloj sobi bez tepiha, sijalice, posetljine i zavjese, i tako punih osam godina. Policija ju je izbavila iz kuće u mjestu Kregavon.

Žena, koja je inače imala ozbiljne poteškoće u učenju, kada su je pronašli bila je veoma mršava i imala je samo jedan zub u ustima.

Kit Bejker osuđen je na 15 godina zatvora, a njegova supruga 3 godine, od čega će 18 meseci provesti u zatvoru.

Njihov dom je na sudu opisan kao “kuća strave”, a u sobi kojoj su držali ženu nije bilo kvake na vratima sa unutrašnje strane, a na plafonu su visile kamere. Jedini toalet koji je mogla da koristi bio je prepun ljudskog otpada, a dozvoljavali su joj da koristi tuš jednom nedjeljno.

Par je uzeo ženu iz njene kuće u Engleskoj 2004. godine kada je njen muž prijavio nestanak. Vjeruje se da su je pozvali ili ubjedili da dođe u Sjevernu Irsku. Pronađena je od strane policije kada ih je kontaktirala Mendi Hajfild, bivša Kitova žena s kojom ima četvoro djece.

Tokom suđenja sudija je rekao da je teško razumjeti kako je neko “izgubio moralni kompas” u tolikoj mjeri da je nekoj osobi mogao nešto tako da uradi.

Seksualna robinja koja je bila osam godina zatvorena u malecnoj sobi, ima oko 40 godina.